ནམ་མཁའ་དྭངས་ལ། ཟླ་བ་གསལ། སྐར་ཚོགས་གྲངས་མེད་པའི་གཡུ་ཡིས་ཕྲ་བཏབ་པ་ནང་བཞིན། ཧ་ཅང་མཛེས་ཤིང་ཡིད་དུ་འོང་བའི་དགའ་སྐྱོ་གཉིས་འཛོམས་ཀྱི་དབྱར་གྱི་མཚན་མོ་ཞིག་ལ། ང་ཁེར་རྐྱང་དུ་ཕྱི་ལོགས་སུ་བསྡད་ནས་མིག་གིས་ལཽངས་སུ་སྤྱོད་པའི་སྐབས། དྲན་གདུང་ཡུལ་ལས་འདས་པའི་བདག་གི་དྲིན་ཅན་ཨ་མ། ཡིད་ལ་ལྷང་ལྷང་འཁོར་བྱུང༌། ངས་ཟླ་བ་ལ་བལྟས་ནས། དུས་ཚོད་གང་འཚམ་ཕྱིན་སོང༌། རིམ་བཞིན། སྐར་མ་གཅིག་ཤར་གཉིས་ཤར། སྔོ་ཞིང་དྭངས་ལ་གཡུ་དང་མཚུངས་པའི་ནམ་མཁའ་དེ། གློ་བུར་དུ་སྐར་མ་ཡིས་ཁེངས་སོང༌། ངས་སེམས་ཁམས་ཡོངས་སུ་སྡུག་བསྔལ་དང་དྲན་གདུང་གིས་ཡིད་རང་དབང་མེད་པར་”ཨ་མ་”ཟེར་བའི་ཚིག་འབྲུ་རྐྱང་པ་གཉིས་དེ་ཁ་ནས་ཡང་སེ་ཡང་སེ་ཤོར་སོང༌།

རྩོམ་འཕྲོ་ཀློགས།


“ཡུགས་ས་མ་ཚང་ལ་འགྲོ་མི་རུང་། སྣ་ནག་མ་དེ”
“ཡུགས་ས་མའི་ཉེ་སར་མ་བཏུད། གྲིབ་ཕོག་འགྲོ”

ཆུང་ཆུང་བྱིས་པའི་དུས་ནས་ཡུལ་མི་དག་གིས་ཁོ་མོ་བས་མཐའ་རུ་དེད་ཡོད་པས། ངས་ཁོ་མོ་བཀྲ་མི་ཤིས་པའི་མཚོན་བྱེད་ཅིག་ཡིན་པ་ལས་ཅི་ཞིག་ལ་ཡུགས་ས་མ་ཟེར་བ་དང་ཡུགས་ས་མ་ཟེར་བ་ཅི་ཞིག་ཡིན་པ་མི་ཤེས། ལན་རེར། ཁོ་མོ་ནི་ཨ་མྱེས་ཀྱིས་རང་ལ་རྒྱུན་དུ་བཤད་མྱོང་བའི་མགར་བ་སྟོབས་རྒྱལ་ལྟ་བུའི་རིགས་རུས་མི་གཙང་བ་ཞིག་ཡིན་སྙམ་ཤར། གང་ལྟར་ང་ཡུགས་ས་མ་དང་འབྲེལ་འདྲིས་ཟབ་མོ་བྱུང་དུས་ནི་སློབ་ཆུང་ལོ་རིམ་བཞི་བའི་དབྱར་གནང་གི་སྐབས་ཤིག་སྟེ། ང་རང་འབྲོག་ལ་སོང་བའི་དུས་ཡིན། 
 ང་ཚོའི་སྡེ་བ་ནི་རོང་འབྲོག་གཉིས་འཛོམས་ཀྱི་སྡེ་བ་ཞིག་ཡིན་པས། ཁྱིམ་མི་ལྷན་འཛོམས་བྱུང་རྒྱུ་ཤིན་ཏུ་དཀའ་ལ། བཟའ་མི་ཚང་མ་ཡར་བགོ་མར་བགོ་བྱས་ཏེ་སོ་སོའི་ལས་ཀའི་ཐད་ལ་ཉིན་མ་སུམ་བརྒྱ་དྲུག་ཅུར་མ་ཁོམ་པར་འདུག་དགོས་པས་ང་ཡང་གལ་ཏེ་སློབ་གྲྭར་སོང་མེད་པའི་དབང་དུ་བཏང་ཚེ། རོང་ནས་ཞིང་འདེབས་པའམ། འབྲོག་ནས་ལུག་བ་དང་ཟོག་བ་གང་རུང་ལ་འགྲོ་དགོས་ཐག་གིས་ཆོད། ཅི་ལྟར་བཤད་ཀྱང་། ངའི་དབྱར་གནང་དང་དགུན་གནང་གི་འཚོ་བ་མང་ཆེ་ཤས་འབྲོག་པ་ནས་བསྐྱལ་ཡོད་པས། རང་ཉིད་སོང་མྱོང་བའི་རྐང་ལམ་དང་། ལྷག་པར་དུ་ང་རང་རྟག་དུ་སྡུག་ལ་གཏད་མྱོང་བའི་འབྲི་མོ་ཝ་མོ། ད་དུང་ཁོ་མོ་སྟེ་ཡུགས་ས་མ་ཚེ་རིང་སྒྲོལ་མ་སོགས་ནི་ཁོ་བོའི་དྲན་ཤིང་ཉག་གཅིག་ཡིན།

རྩོམ་འཕྲོ་ཀློགས།


ང་རང་གཅིག་པུ་འཁོར་ཤག་ཅིག་ཏུ་བསྡད་ནས་མེ་འཁོར་ལོ་ཧྭ་ན་རུ་འབྱོར་ཙ་ན།གཞི་ནས་བུ་མོ་ཞིག་མེ་འཁོར་དུ་འཛེག་བྱུང་།བུ་མོར་སྐྱེལ་མ་བྱེད་མཁན་ཁྱོ་ཤུག་ཟུང་ཡོད་པ་ནི་མོའི་ཕ་མ་ཡིན་པ་འདྲ།དེ་དག་གིས་མོའི་ད་ཐེངས་ཀྱི་འགྲུལ་བཞུད་འདིར་སེམས་ཚེགས་ཆེ་བ་འདུག་སྟེ།བུད་མེད་དེས་བུ་མོར་རྡོག་ཁྲེས་གང་དུ་འཇོག་དགོས་མིན་དང་མགོ་བོ་མེ་འཁོར་གྱི་སྒེའུ་ཁུང་ནས་དབྱུང་མི་རུང་ཚུལ། རྒྱུས་མེད་མི་དང་ཁ་བརྡ་བྱ་མི་རུང་ཚུལ་སོགས་བཅོལ་གདམས་ཞིབ་ཕྲ་བྱས་སོང་།
ང་རང་ལོང་བ་ཡིན་པས་བུ་མོའི་གཟུགས་བྱད་མིག་ཏུ་འཆར་མི་ཐུབ།འོན་ཀྱང་མོའི་ཕྱི་རྟིང་གི་སྒྲ་ལས་མོ་རང་འདྲུད་ལྷམ་ཞིག་གྱོན་ཡོད་པ་མངོན་པར་གསལ།མོའི་སྐད་སྒྲ་ནི་ཅི་འདྲའི་སྙན་ཞིང་འཇེབས་ལ་རྣ་བར་སིམ་པ་ཞིག་རེད།
“ཁྱོད་རང་ཐ་ལ་ཏིང་དུ་འགྲོའམ”མེ་འཁོར་ཟླ་སྟེགས་ལས་བྲལ་རྗེས་ངས་མོ་ལ་དེ་ལྟར་དྲིས།

རྩོམ་འཕྲོ་ཀློགས།


འདས་པའི་ལོ་ངོ་གསུམ་གྱི་རིང་། མེ་འཁོར་ཞིག་ཉི་ཧོང་བྱང་ཕྱོགས་ཀྱི་རྒྱང་རིང་ལུང་ཁུག་ཅིག་ཏུ་ཉིན་ལྟར་ཐེངས་གཉིས་ལ་འབབ་ཚིགས་ཤིག་བརྒྱུད་དེ་འགྲུལ་བཞུད་བྱེད་པ་རེད། ཉིན་རེའི་ཞོགས་པའི་ཆུ་ཚོད་བདུན་དང་སྐར་མ་བཞིའི་སྟེང་ཏག་ཏག་མེ་འཁོར་དེས་འབབ་ཚིགས་དེ་ནས་སློབ་གྲྭར་སྐྱོད་པའི་བུ་མོ་སློབ་མ་ཞིག་བསུ་བཞིན་ཡོད་པ་དང་། ཕྱི་དྲོ་ཆུ་ཚོད་ལྔ་དང་སྐར་མ་བརྒྱད་ཀྱི་སྟེང་ཁོ་མོ་ཕྱིར་ཁྱིམ་དུ་བསྐྱལ་བ་རེད།

རྩོམ་འཕྲོ་ཀློགས།


ཁག་དང་པོ།

ལས་དབང་་་་་་་་་་ལས་ན་དབང་ལ་་་་་་་མ་ལས་ན་མི་དབང་། ལས་དབང་་་་་་སྐྱབས་བཅོལ་དང་རེ་སྒུག་གི་ཁྲོད་ནས་གཉའ་ཞུམ་ནས་བསྡད་ན་འགྲིག་གམ། ཨ་ཁ་ཁ་་་་་་འཇིག་རྟེན་འདི་དངོས་ནས་ཧ་གོ་རྒྱུ་ཞིག་མི་འདུག་་་་་་་་་
ད་ནི་སྔ་མོ་ནས་ཉལ་འཇོག་ཅེས་མཚན་དཀྱིལ་ལ་ཤུགས་རིང་འཐེན་ཏེ་ཁེར་ལབ་བྱེད་བཞིན་པ་ནི་ཐོག་ཁང་བརྒྱ་བརྩེགས་འདིས་ནང་ན་ང་གཅིག་པུ་ལོས་ཡིན། སྐབས་དེར་ངའི་མཚང་མིང་ལ་འབུ་སུག་རིང་ཞེས་འདོགས་དུས་ཀྱང་ང་རང་མ་དགའ་བའི་ཚུལ་གྱིས་ཁེར་ལབ་བྱེད་པར་གོམས་ཡོད་ལ། འབུ་སུག་རིང་ཞེས་པའི་མཚང་མིང་འདི་སློབ་འབྲིང་སྐབས་ནས་ཐོགས་སོང་ལ། རྒྱུ་མཚན་ནི་ང་རང་དུས་རྒྱུན་དུ་གནས་ཡུལ་གཅིག་ནས་ཁ་རོག་གེར་འདུག་ཐུབ་པའི་དཔེ་ཞིག་མེད་ལ། ཉིན་གང་བོར་འབུ་ཉི་ཚེ་བ་ཞིག་དང་འདྲ་བར་རང་འདུག་མེད་པས་དེ་ལྟར་བཏགས་པ་རེད། ད་ལོ་ཕྱི་ཡུལ་ལ་འཁྱམས་ནས་རིང་བོ་མ་སོང་བར། ས་བདག་གནས་བདག་སུ་ཞིག་གིས་ངའི་ཡ་ཁོག་ནས་བསློག་སོང་བ་ཡིན་ནམ།

རྩོམ་འཕྲོ་ཀློགས།


མདང་དགོང་ཉལ་ཁར་སྨག་གནག་ཅིང་ཆར་སིམ་སིམ་འབབ་བཞིན་འདུག ལམ་ལམ་དུ་འཚེར་བའི་གློག་འོད་དག་གསལ་ལ་མི་གསལ་གྱིས་ཁུ་སིམ་པོར་བཀྲ གཡས་གཡོན་གྱི་གྲོང་དགོན་དག་ཀྱང་ངལ་གསོས་པ་ལྟར་གྲགས་རྒྱུ་གོ་རྒྱུ་མེད།

རྩོམ་འཕྲོ་ཀློགས།


ཁོ་རང་ནང་དུ་བསླེབས་མ་ཐག ཆུང་མས་ཁོས་མགོ་ནས་མཇུག་བར་ཞིབ་ལྟ་ཞིག་བྱས་རྗེས་ཁོ་ལ་སྡང་མིག་ཅིག་བགྲད།ཁོས་ཆུང་གདོང་ལ་བལྟ་ཙམ་ཡང་མི་བྱེད་པར་གོམ་པ་འཁྱར་འཁྱོར་སྤོ་བཞིན་ཐད་ཀར་ཆུང་མས་ཁ་གཏད་ན་ཡོད་པའི་འབོལ་ཁྲིའི་སྟེང་དུ་ལྗིད་ཏིག་གེར་ཙོག ཡུད་ཙམ་འགོར་རྗེས། ཆུང་མས་སེམས་ལ་ཅི་ཞིག་དྲན་པ་ལྟར་སླར་ཡང་ཁོ་ལ་སྡང་མིག་ཅིག་བགྲད།

རྩོམ་འཕྲོ་ཀློགས།


འབྲེལ་གཏུག།

ཁྱེད་ལ་བཤད་འདོད་པའི་གཏམ་གང་འདྲ་ཞིག་ཡོད་རུང་འདི་རུ་ཤོད་དང་ཆོག

འབྲེལ་བྱང་།
ཆང་ས་དྲ་བའི་རྩོམ་གསར་དེབ་སྐྱེལ།

འདིར་ཐོ་འགོད་བྱས་ཚེས་སྐུ་ཉིད་ལ་ཉིན་རེའི་ཆང་ས་དྲ་བའི་རྩོམ་གསར་དག་ཁྱེད་ཀྱི་ཡིག་ཟམ་ནང་བསྐུར་ངེས།

×
 
×
ཁྱེད་ཀྱི་རྒྱས་འགྲེལ་བརྗེད་སོང་ངམ།
×

Go up